كهربا: أزمتي مع مرتضى وراح اترافع لأخويا جابله 15 سنة سجن (فيديو)
هدير النمر
صرح اللاعب محمود كهربا لاعب نادي الزمالك عبر مكالمة هاتفية عن أزمته الأخيرة مع نادي الزمالك والمستشار مرتضي منصور، وقال كهربا خلال المكالمة: “عقدى مع الزمالك في السنة الحالية 2 مليون جنية، أقسم بالله مخدتش منهم غير مليون جنية بس، مع إني دخلت للزمالك 84 مليون”.
وتحدث عبر أزمته مع مرتضى منصور قائلًا: “مرتضى منصور مستخسر يعدل العقد بتاعي عشان يروح يشتري لاعيبة تانية ويدفع لهم ملايين، بس اقسم بالله مفيش حد استحمل اللي انا استحملته”.
واستكمل اللاعب تصريحاته: “أنا عمري ما بخاف من حد وأنا لحد دلوقتي ساكت وهحاسبوا على كل كلمة قالها لإني مبخافش وموضوعي مع مرتضى خلاص وكلها يومين وكل حاجة هتخلص، مرتضى منصور راح اترافع عن أخويا جابله 15 سنة سجن”.
وحول أزمة كهربا مع جماهير الأبيض قال: “مقدرش أزعل جمهور الزمالك اللي عمل اسم كهربا والموضوع بيني وبين مرتضى الجمهور ملوش ذنب، وأنا زعلان منهم عشان مش بيسمعوا من الحد الأول قبل ما يحكموا عليه، وليه يقعدوا يشتموا أبويا وأمي”.
وكان اللاعب أثار أزمة في الفترة الأخيرة مع المستشار مرتضى منصور رئيس نادي الزمالك، وتمرد اللاعب ولم يحضر تدريبات الفريق والمعسكر المغلق بقبرص استعدادًا لمباريات الدوري المصري.